9 улуус баһылыга талылынна

Үс күннээх куоластааһын күнүгэр Ил Дарханы уонна норуот дьокутааттарын сэргэ 9 улууска баһылыгы таллылар.

СӨ Киин быыбардыыр хамыыһыйата иһитиннэрбитинэн, тоҕус баһылыктан үһэ хос, алтата саҥа талылынна.
Ол курдук Нам улууһун баһылыга Юрий Слепцов (90%), Горнай улууһун баһылыга Никита Андреев (86 %), Кэбээйи улууһун баһылыга Иван Левин  улуустарын олохтоохторун итэҕэллэрин ыланнар иккис болдьоххо талылыннылар.

Оттон саҥа баһылыктарынан Үөһээ Халыма улууһугар Денис Барков, Тааттаҕа – Айаал Бурцев, Уус Алдаҥҥа – Василий Аммосов, Уус Маайаҕа – Александр Азаров, Усуйаанаҕа – Валерий Сидорин, Эбээн Бытантайга – Иннокентий Стручков саамай элбэх куолаһы ыланнар талылыннылар.