Дьокуускай куорат олохтооҕо икки этээстээх мас дьиэҕэ ыаллыы олорор дьахтар дьиэтин халаабыт. Бу туһунан эмсэҕэлээччи ИДьМ-ын Дьокуускайдааҕы 4 №-дээх полиция отделыгар үҥсүбүт.
Ол курдук, дьахтар кылгас кэмҥэ дэриэбинэҕэ тахсыбытын туһанан ыаллыы олорор эр киһи туора киһи кыбартыыратыгар киирбит. Ол киирэн дьахтар тэлэбиисэрин, микроволновай оһоҕун, мультиваркатын, вентиляторын уонна таҥаһын-сабын уорбут. Уоруллубут мал-сал уопсай сууммата 90 тыһыынча солкуобайга тэҥнэспит. Бу малын-салын аҥаарын комиссионнай маҕаһыыҥҥа туттарбыт, оттон сороҕун бэйэтигэр иҥэриммит. Холуобунай ирдэбил үлэһиттэрин суһал көрдүүр үлэлэрин түмүгүнэн, 39 саастаах Дьокуускай олохтооҕо тутуллубут. Полиция үлэһиттэрэ быһаарбыттарынан, кини эмсэҕэлээбит дьахтары кытта Семен Данилов аатынан икки этээстээх мас дьиэҕэ ыаллыы олорбут эбит.
РФ Холуобунай кодексатын 3-с чааһын 158-с ыстатыйатынан «Уоруу» диэнинэн Холуобунай дьыала тэриллибит. Уорбаланааччы оҥорбут буруйун иһин 6 сылга көҥүлэ быһыллыан сөп диэн ИДьМ-ын пресс-сулууспата иһитиннэрэр.
Хаартыска интэриниэт ситимиттэн туһанылынна.
Чугастааҕы сууккаҕа, ахсынньы 17-18 күннэригэр, өрөспүүбүлүкэ хоту өттүгэр кыралаан, сорох сиринэн хойуутук хаар түһэрэ күүтүллэр.…
Ахсынньы 15 күнүгэр, киэһэ алта чаас кэннэ, Дьокуускай куорат Л. Чайкина уулуссатыгар турар чааһынай гарааска…
СӨ Ил Дархана Айсен Николаев ахсынньы 15 күнүгэр «Өлүөнэтээҕи холбоһуктаах өрүс пароходствота» АУо 2025 сыллааҕы…
Бүгүн, ахсынньы 16 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Өрөспүүбүлүкэ борокуруора Сергей Дябкин СӨ Бэтэринээрийэ департаменын урукку салайааччытыгар тэриллибит холуобунай дьыаланан буруйдуур түмүгү бигэргэттэ.…
Ааспыт өрөбүл күннэргэ Дьокуускайга эчэйиитэ суох 15 суол быһылаана бэлиэтэннэ. Бу туһунан киин куорат ГАИ…