900-кэ табаны бөрөлөр күрэтэн бардылар диэн иһитиннэрии тарҕанна

Бүгүн Өлөөн улууһугар  900-кэ табаны  бөрөлөр үргүтэн илдьибиттэрин туһунан иһитиннэрии социальнай ситимнэринэн тарҕанна.

Бу чахчыга сыһыаннаан, СӨ тыатын хаһаайыстыбатын уонна ас-үөл бэлиитикэтин миниистирин солбуйааччы Прокопий Романович  Николаев бу курдук кылгастык хоруйдаата:

— Бүгүн “Анаабыр алмаастара” хампаанньа бөртөлүөтүнэн миэстэтигэр көрө көттүлэр. Ол эргиллэн кэллэхтэринэ, балаһыанньа хайдаҕын, ис дьиҥин билиэхпит. Бу “Өлөөн” МУП 3-с нүөмэрдээх ыстаадатын табаларыгар сыһыаннаах иһитиннэрии.

Онон, миэстэтигэр тиийэн билсибиттэрин кэннэ, уопсай балаһыанньаны иһитиннэриэхпит.