Хаартыска СӨ Баһылыгын уонна Бырабыыталыстабын пресс-сулууспатыттан
2025 сылга өрөспүүбүлүкэҕэ байыаннай дьайыы кыттыылаахтарын уонна кинилэр дьиэ кэргэттэрин чилиэннэрин үлэҕэ киллэриигэ 914 кубуота олохтоммута. Бу күҥҥэ былаан туолла – өрөспүүбүлүкэ 379 тэрилтэтэ үлэ биэрдэ. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов сэтинньи 24 күнүгэр нэдиэлэ аайы ыытыллар брифиҥҥэ иһитиннэрдэ.
«Саха сирэ байыаннай дьайыы кыттыылаахтарын уонна кинилэр дьиэ кэргэттэрин чилиэннэрин үлэҕэ киирэллэригэр көҕүлүүр итинник миэрэни, үлэ миэстэтин кубуоталааһыны туһанарга дойдуга биир бастакыларынан буолар. Байыаннай дьайыы кыттыылаахтарын үлэнэн хааччыйар тэрилтэлэр үлэһит хамнаһын төлөөһүҥҥэ ороскуотугар субсидия ылар кыахтаахтар», — диэн бэлиэтээтэ Георгий Степанов.
Саха сиригэр байыаннай дьайыы кыттыылаахтарын уонна кинилэр дьиэ кэргэттэрин чилиэннэрин өйүүр дьаһаллар салҕаналлар. Буойуннар уонна кинилэр аймахтара материальнай өттүнэн эрэ буолбакка, чуолаан, доруобуйа харыстабылын тэрилтэлэригэр чөлүгэр түһэриигэ, үлэҕэ, профүөрэхтээһиҥҥэ көмө ылаллар.
Байыаннай дьайыы кыттыылаахтарын 224 дьиэ кэргэнигэр гаастааһыҥҥа материальнай көмө оҥоһулунна. Байыаннай сулууспалаахтар 747 төрөппүттэрэ санаторнай-курортнай эмтэниигэ, 555-байыаннай сулууспалаах эмтэнэр сирдэригэр баралларыгар материальнай көмөнү ыллылар. Доруобуйа харыстабылын уонна социальнай өҥөнү оҥорор тэрилтэлэргэ байыаннай дьайыы 1553 кыттыылааҕа уонна кинилэр дьиэ кэргэттэрин 2936 чилиэнэ доруобуйаларын тупсарынна. 566 киһи дьиэтигэр социальнай өҥө уонна стационар аҥардаах көрүҥүнэн социальнай өҥөнү ылла. 35 киһи тырааныспары ыытарга үөрэммиттэрин иһин толуйуу ыллылар.
Өрөспүүбүлүкэ бэрэссэдээтэлин солбуйааччы иһитиннэрбитинэн, Нэһилиэнньэ дьарыктаах буолуутун киинигэр 1099 киһи, ол иһигэр байыаннай дьайыы 440 кыттыылааҕа уонна кинилэр дьиэ кэргэттэрин 659 чилиэнэ, үлэҕэ киириигэ көмө көрдөспүттэр. Олортон 216 киһи анал идэҕэ үөрэтиигэ туһуламмыт, 661 киһи үлэҕэ киирбит.
Сиһилии: https://www.sakha.gov.ru/news/15831
Дьокуускай моржтара куорат пляһыгар үгэскэ кубулуйбут ойбоҥҥо сөтүөлээһиннэрин оҥордулар. Тэрийээччилэр ЯСИА-ҕа иһитиннэрбиттэринэн, бу тэрээһин «Кыһын…
Борокуратуура байыаннай дьайыы кыттыылааҕын үҥсүүтүнэн бэрэбиэркэни ыытта. Бу туһунан СӨ Борокуратууратын пресс-сулууспата иһитиннэрэр. Сайабылыанньа суруйбут…
Уоппусканы былааннааһын – сынньанар сири талыы эрэ буолбатах, үп-харчы былааннааһына эмиэ буолар. Эспиэрдэр бигэ хамнастаах…
Саха сиригэр СӨ Үөрэҕин уонна билимин министиэристибэтинэн байыаннай дьайыы кыттыылаахтарыгар уонна кинилэр оҕолоругар анаан уонтан…
Бүлүү улууһугар «Куттала суох хараас» профилактическай эриэйдэ чэрчитинэн баһаартан сэрэтэр сыалтан хараастарга бэрэбиэркэлэр ыытыллаллар. Тэрээһини…
Саха сирин кикбоксиҥҥа сүүмэрдэммит хамаандата Арассыыйа чөмпүйэнээтигэр түөрт боруонса мэтээли ылары ситистэ. Дойду сүүмэрдэммит хамаандатын…