900-тэн тахса байыаннай сулууспалаах доруобуйатын чөлүгэр түһэрдэ

Дьокуускайга Ю.П.Степанов аатынан Инбэлииттэри биир кэлим реабилитациялааһын өрөспүүбүлүкэтээҕи  социальнай-чэбдигирдэр киинигэр анал байыаннай дьайыы 463 кыттыылааҕа уонна дьиэ кэргэттэрин 442 чилиэнэ доруобуйатын чөлүгэр түһэриннэ. Ол туһунан от ыйын 10 күнүгэр Киин дириэктээ Асида Алексеева иһитиннэрдэ.

«Биһиги Кииммитигэр байыаннай дьайыы кыттыылаахтарыгар уонна кинилэр  дьиэ кэргэттэрин чилиэннэригэр организмнарын уонна ис туруктарын  чөлүгэр түһэриигэ көмө оҥоһуллар. Улахан болҕомтону социальнай-психологическай уонна социальнай-мэдиссиинискэй боппуруостарга уурабыт. Бу үлэ Ил Дархан Айсен Николаев сорудаҕынан ыытыллар”, — диэтэ Асида Алексеева.

Киин “Самородок” бассейны кытары  салгыы бииргэ үлэлээн, байыаннай дьайыы кыттыылаахтарыгар  гидрокинезотерапияҕа дьарыктар ыытыллаллар. Ону сэргэ, кинилэргэ Арчы Дьиэтигэр алгыс сиэрин-туомун оҥороллор.

Кииҥҥэ ону сэргэ байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл, хос үөрэнии уонна үлэ булуу боппуруостарыгар иһитиннэриилэри тириэрдэллэр, сүбэ-ама биэрэллэр. Өрөспүүбүлүкэ биэдэмэстибэлэрин уонна тэрилтэлэрин бэрэстэбиитэллэрин кытары барыта 75 көрсүһүү тэрилиннэ.

СӨ Ил Дарханын уонна бырабыыталыстыбатын пресс-сулууспата