Киһи өлүүлээх баһаардар… Уоту-күөһү сэрэхтээхтик туһаныҥ!

Ааспыт сууккаҕа Саха сирин үрдүнэн 7 техногеннай баһаар умуруоруллубут.

Мииринэй куорат Ручейнай уулуссатыгар турар чааһынай дьиэ умайыытыгар, 1967 сыллаах төрүөх дьахтар өлүгэ көстүбүт. Ону тэҥэ, эмиэ Мииринэйгэ сайылык дьиэтэ (даача) умайбыт. Умайыы тахсыбыт дьиэтиттэн 1955 сыллаах төрүөх дьахтары балыыһаҕа илдьэн тустаах суһал көмөнү оҥорбуттар. Дьиэҕэ-уокка уоту сэрэхтээхтик, болҕомтолоохтук туһанарга тустаах тэрилтэ исписэлиистэрэ модьуйаллар.