Мария Васильева хаартыската, СИА.
Мэҥэ Хаҥалас улууһун борокуратуурата Ростов уобалаһын уонна Хакасия Өрөспүүбүлүкэтин үс олохтооҕор холобунай дьыаланан буруйдааһын түмүгүн бигэргэттэ. Кинилэр РФ Холуобунай кодексын 4-с ыстатыйатын “б” пуунунан, 5-с ыстатыйатын 158-с чааһынан буруйданаллар.
Силиэстийэ быһаарбытынан быйыл сайын икки буруйданааччы Өймөкөөн улууһугар харчылаһа кэлэн баран, көмүс хостуур тэрилтэҕэ үлэҕэ киирбиттэр. Биир күн сууйар тэрилгэ ааспыт сууйуу кэмиттэн көмүс сорҕото (частицы) хаалбытын булбуттар уонна кистээн хомуйбуттар. Бу дьон 1,5 киилэ кэриҥэ көмүһү уоран, үлэлиир миэстэлэриттэн чугас сиргэ кистээбиттэр, үлэлэриттэн уурайан баран олорор сирдэригэр барбыттар.
Дьиэлэригэр тиийэн баран, биир буруйданааччы киниэхэ уонна кыттыгас киһитигэр массыына ыытар дастабырыанньалара суох буолан, билэр киһитин массыынанан Саха сириттэн Ростов уобалаһыгар кистээбит көмүстэрин аҕалалларыгар тылыгар киллэрбит. Быйыл атырдьах ыйыгар үһүөн Дьокуускай куоракка көтөн кэлэн, «Nissan Patrol» массыына атыылаһан, Өймөкөөн улууһун туһаайыытынан айаннаан, кистээбит көмүстэрин ылбыттар.
Төннөн истэхтэринэ массыыналарын Мэҥэ Хаҥалас улууһун Аллараа Бэстээх бөһүөлэгэр тохтоппуттар, массыынаны ньэҥньийэн көрүү түмүгэр көмүһү булбуттар. Буруйдуур түмүгү бигэргэтии кэнниттэн борокуратуура холуобунай дьыаланы суут көрүүтүгэр ыыппыт. Көмүһү былдьаабыттар. Тустаах буруйу оҥоруу иһин бу дьон 15 сылга диэри хаайыыга барыахтарын сөп.
Былыр-былыргыттан дьон харчыга сыһыаннаах бити-билгэни итэҕэйэр, туһанар. Ол ханныктарый? Остуолга кураанах иһиттэр, вазалар, бытыылкалар туруо…
Дьокуускайга сылы эргиччи оҕуруот аһын, күөх үүнээйини үүннэриинэн дьарыктанар "Саюри" тэпилииссэ комплексыгар газовай электрстанция (ГПУ)…
Сахаҕа сылгы сүдү суолталаах, ону кытта сылгы идэһэ биир мааны аһылыгынан биллэр. 1980–1990‑с сылларга тэҥнээтэххэ,…
Бүгүн, сэтинньи 23 күнүгэр, Усуйаанатааҕы ЕДДС Уйаандьы сэлиэнньэтин баһылыгын солбуйааччытыттан иһитиннэрии киирбит. Кини 1999 уонна…
Уус Алдан улууһугар Тиит Арыыга 16 сылын доҕордуу көрсүһүү үрдүк тэрээһиннээхтик ыытылынна. Манна Тиит Арыыттан…
Бу күннэргэ дойду бары сиригэр-уотугар өтөрүнэн бэлиэтэммэтэх сылыйыы буола турарын туһунан Арассыыйа Гидромет киинин научнай дириэктэрэ…