#КинигэКүүһэ аахсыйа ыалдьыта — Светлана Диодорова-Лаврентьева

Бүтүн Арассыыйатааҕы бибилэтиэкэ күнүгэр Саха сиринээҕи национальнай бибилэтиэкэ #КинигэКүүһэ аахсыйаны  тэрийэн ыытта. Аахсыйа сиэринэн дьоҥҥо-сэргэҕэ биллэр киһи сөбүлээн ааҕар кинигэтин туһунан кэпсиир, истээччилэргэ кинигэттэн быһа тардан доргуччу ааҕар.

«Кинигэ күүһэ» аахсыйа 2019 сыллаахха национальнай бибилэтиэкэҕэ СӨ Култууратын министиэристибэтин өйөбүлүнэн тэриллэн ыытыллыбыта. Онон, тэрээһин сыллата ыытыллар үтүө үгэскэ кубулуйда.

Аахсыйа бүгүҥҥү ыалдьытынан СӨ Ил Дарханын уонна Бырабыыталыстыбатын дьаһалтатын салайааччытын секретариатын старшай референэ, СӨ Суруналыыстарын сойууһун чилиэнэ   Светлана Диодорова-Лаврентьева буолла. Светлана Владимировна Дьокуускай куорат Саха гимназиятын 6 б кылааһын үөрэнээччилэригэр  Тимофей Сметанин «Егор Чээрин» кэпсээниттэн быһа тардыылары ааҕан иһитиннэрдэ. Кэпсээни  үөрэнээччилэр олус интэриэһиргээн, сэҥээрэн иһиттилэр, санааларын үллэһиннилэр.