Аҕыс ыйдаах кыһын кэнниттэн былыр былыргыттан күөххэ үктэнээт, саха киһитэ ыһыаҕы ыһар. Бу үтүө үгэс көлүөнэттэн көлүөнэҕэ бэриллэн, утумнанан иһэрэ үөрүүлээх.
Быйылгы сыллааҕы Дьокуускай куорат өрөспүүбүлүкэтээҕи ыһыаҕа бэс ыйын 28-29 күннэригэр Үс Хатыҥҥа ыытыллыаҕа. СӨ Оһуокай айар түмсүүтэ өрөспүүбүлүкэтээҕи Оһуокай күрэҕин ыытарга бэлэммит. Быйылгы күрэх бүттүүн Арассыыйа үрдүнэн Кыайыы 80 сылыгар, Аар тайҕа ырыаһыта, Саха АССР искусствотын үтүөлээх диэйэтэлэ, айар тыл илбиһин иҥэриммит оһуокайдьыт С.А.Зверев төрөөбүтэ 125 сылыгар ананан ыытыллыаҕа.
Быйыл өрөспүүбүлүкэтээҕи ити икки суолталаах тэрээһиннэргэ биһиги Оһуокай түмсүүбүт Дьокуускай куоракка тохсунньу ыйтан саҕалаан ыам ыйын 18 күнүгэр диэри «Арчы» дьиэтигэр улуустарынан Кыайыы Оһуокайын үрдүк тэрээһиннээхтик ыыттыбыт. Оһуокай күнүгэр СӨ Бырабыыталыстыбатын үбүлээһининэн ыччаттарга күрэх ыытылынна. Улуустарга Сунтаарга, Бүлүүгэ, Намҥа, Үөһээ Бүлүүгэ,Чурапчыга улуус ыһыахтарыгар Оһуокай күрэҕэ үрдүк таһымнаахтык ыытыллыбытын бэлиэтиибит. Сунтаарга Сергей Афанасьевич Зверев-Кыыл Уола 125 сыллаах үбүлүөйдээх ыһыаҕар Оһуокай күрэҕэр Саха сирин Дархан этээччитэ, Ил Дархан Оһуокайга стипендиата Лариса Николаевна Иванова үөрэнээччитэ, үтүөлээх этээччи Дмитрий Кондратьев Дархан этээччи, Саха сирин үтүөлээх этээччитэ Мария Павловна Афанасьева үөрэнээччитэ Александра Яковлева Далбар этээччи аатын ыланнар 350 тыһ. суумалаах сертификаттарынан наҕараадаланнылар. Ити элбэхтэн биир холобур. Биһиги этээччилэрбит оһуокайга утуму салҕаан, үөрэнээччилэрэ биллэр этээччи буолалларыгар үлэлэһэллэрэ хайҕаллаах. Дархаттар сүбэлэрин салайааччыта, Дархан этээччи Валентин Васильевич Хорунов улуустааҕы Оһуокай түмсүүлэрин кытары күүскэ үлэлэһэн, Намҥа, Тааттаҕа оһуокай биллэ сайынна, элбэх этээччи ыччат таҕыста. Ситиһиилэрбитин ахтан туран, Оһуокай өрөспүүбүлүкэтээҕи күрэҕэр улуустартан көхтөөхтүк кэлэн кыттаргытыгар ыҥырабыт!
Өрөспүүбүлүкэбит киинэ Дьокуускай куорат ыһыаҕынан итиитик-истиҥник эҕэрдэлиибин! Үрүҥ Аар Тойон баһылыктаах Айыыларбыт аҕыс өттүгүтүттэн араҥаччылаатыннар! Тоҕус өттүгүтүттэн көмүскээтиннэр! Домм!
А.Д.Данилов-Дьулуур Хаан
Бу нэдиэлэҕэ Саха сириттэн байыаннай дьайыы буола турар сиригэр 20 туонна таһаҕаһы тиэммит массыыналар айаннаатылар.…
Бүгүн, ахсынньы 10 күнүгэр, Ил Дархан Айсен Николаев "ОКТО" хампаанньа дириэктэрдэрин сэбиэтин бэрэссэдээтэлигэр Алексей Толоконниковка…
«Сахаада-спорт» СӨ норуоттарын успуорт төрүт көрүҥнэригэр уонна оонньууларыгар ассоциацията быйылгы лауреаттары ааттаата. Лауреаттары успуорт көрүҥнэринэн…
Байыаннай дьайыы кыттыылааҕа Петр Парников Мэҥэ Хаҥалас улууһун Хара нэһилиэгин успуорт оскуолатыгар тириэньэринэн үлэҕэ киирдэ.…
Саха Өрөспүүбүлүкэтин Бырабыыталыстыбатын 2025 сыл ахсынньы 8 күнүнээҕи 501 №-дээх уурааҕынан, Өлүөхүмэ куоратыгар «Дьиэ (мас),…
Хаҥалас улууһун Кытыл Дьураа сэлиэнньэтигэр "СӨ ОДьКХ" ГУП тэрилтэ 3,48 МВт кыамталаах хочуолунайа үлэҕэ киирдэ. Бу…