Ааспыт өрөбүллэргэ полиция үлэһиттэрэ арыгыны атыылааччы үс киһини туттулар уонна 170 лиитэрэ итирдэр утаҕы былдьаатылар

Дьокуускайга ИДЬМ үлэһиттэрэ ааспыт өрөбүллэргэ сокуоннайа суох арыгыны атыылааһын 4 түбэлтэтин арыйдылар уонна 170 лиитэрэ испиирдээх бородууксуйаны былдьаатылар.

Полиция учаастактааҕы боломуочунайдарынан, Тэкки Одулок уулуссатын туоруур сиргэ турар маҕаһыын атыыһыта сокуону кэһэн туран, болдьохтоох кэм – 20:00 чаас кэнниттэн арыгыны атыылаабыт.

Оттон Киров, Петр Алексеев уонна Богатырев уулуссаларыгар турар дьиэлэр аттыларыттан полиция 19 саастаах Алтайскай кыраайтан төрүттээх киһини, Ньурба улууһуттан сылдьар 29 саастаах киһини уонна урут сууттана сылдьыбыт 36 саастаах Дьокуускай куорат олохтооҕун туппуттар. Бу дьон массыыналарынан  тиэйэ сылдьан итирдэр утахтары атыылаабыттар. Массыыналары бэрэбиэркэлээһин кэмигэр арыгы бородууксуйата былдьаммыт.

Буруйу оҥорооччуларга быраабы кэһии иһин РФ Административнай кодексатын 14.17.1 ыстатыйатын 1 чааһынан административнай боротокуоллар оҥоһуллубуттар.

Арыгы туһунан сокуону кэһиини сэрэтэр, быһаарар уонна бобор полиция профилактическай рейдэлэрэ салҕанар.

ИДьМ Дьокуускайдааҕы салаата Саха сиригэр арыгыны атыылааһын киэһэ 20:00 ч. 14:00 ч. диэри бобулларын сэрэтэр.