Билигин биһиэхэ барыбытыгар эппиэттээх күннэр үүннүлэр. Бу күннэргэ буола турар хомуур биһигини барыбытын долгутар, аймыыр.
Ол өйдөнөр, үгүс дьон кэргэннэрэ, аҕалара, оҕолоро, аймахтара, доҕотторо хомуура ыҥырылыннылар. Маннык быһаарыылаах кэмҥэ биирдиилээн тэрилтэлэртэн саҕалаан, былаас уорганнарын араас таһымыгар салайан олорор дьон норуоттарыгар, дьоҥҥо-сэргэҕэ киһилии, үтүө сыһыаннаах буолуулара ирдэнэр. Дьоҥҥо кырыктаах, тоҥкуруун, дьалаҕай сыһыан букатын суох буолуохтаах. Хас биирдии улууска, куоракка, өрөспүүбүлүкэҕэ билигин салайан олорор баһылыктар миэстэтигэр хомуур хамыыһыйаларын салайаллар.
Биһиги бары билэбит, хомуур кэмигэр сыыһа-халты, омнуолаах туттунуулар түбэлтэлэрэ, хомойуох иһин, тахсыталыы тураллар. Ол курдук хомуурга түбэһиэ суохтаах, сокуон, ылыныллыбыт быраабылаларга сөп түбэһиннэрэн, араас бириичиинэнэн ыҥырыллыа суохтаах дьону хомуйуу курдук омнуолаах туттунуулар буолуталаатылар. Дьон-сэргэ итэҕэлин ылан, араас быыбардарга кыайан, баһылык диэн бочуоттаах эрэ буолбатах, улахан эппиэтинэстээх, суолталаах солону санныларыгар сүгэн үлэлии-хамныы сылдьар тумус дьоммут хомуур кэмигэр тахсар итинник алҕастар таһаарыллыбаттарыгар, итинник мөкү көстүүлэр содулларын аччатарга кыһаныахтаахтар.
Билигин дьоҥҥо, ордук чуолаан кыаммат-түгэммэт, быыһы-хайаҕаһы бэйэлэрэ кыайан тобулбат дьоҥҥо, болҕомтолоох буолуу, үтүө сыһыан, муунтуйар, буккуллар, өйдөммөт боппуруостарыгар быһааран биэрэр, кыалларынан көмөлөһөр, ыйан-кэрдэн биэрэр туохтааҕар да наада.
Биллэн турар, кыһалҕаны көрсүбүт туһааннаах дьон уордайара, ордук-хос тыллаһара, сорох ардыгар үөхсэрэ баар суол. Оннук түгэннэргэ былааска олорор дьон киэҥ көҕүстээх, уһуну-киэҥи, кэскиллээҕи толкуйдуур дьоҕура быһаарар суолталаах.
Бука бары биири өйдүөхтээхпит, бу маннык быһаарыылаах кэмнэргэ салалтаҕа олорор дьон миэстэтигэр уонна кэмигэр хайдах дьаһайан олорбуттарынан, туох быһаарыылары ылыммыттарынан көрөн сыаналаан, кинилэр тустарынан дьоҥҥо-сэргэҕэ үйэлэргэ хаалар өйдөбүл үөскүөҕэ.
Күүлэкээн.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…