Хаартыска: Саха сирэ архыыбыттан
Кыыһым аах таас дьиэҕэ, кыбартыыраларыгар өрөмүөн оҥоро сылдьаллар. Мин хаһан эрэ, отуттан тахса сыллааҕыта оҥорбут атах таҥаһа уурарбын көтүрэн, даачабар аҕалбыт. Тоҕо эрэ тута бөх тоҕорго бырахпатах. Өссө туһалыаҕа, баҕар, диэтэҕэ дуу?
Аны кэлэн, суох буоллаҕа дии, туттуллан бүттэҕэ. Быраҕыллар. Даачам оһоҕун отторбор уот күөдьүтэрбэр барыаҕа. Чохороон өнчөҕүнэн аҕыйах охсуунан ыһан кэбистим. Кыра хаалбытын көрөн, уруккуну эргитэ санаатым. Балачча кичэллээхтик туттан, син сыһыаннаахтык уһаммыппын. Чаастарын син бэркэ быһан холботолуур эбиппин. Сүрэҕим да бэрт эбит. Билигин итинник оҥоруом биллибэт. Арааһа, боростуой холбооһун буолуо этэ. Харандаас суолларын көрөбүн. Бу — мин тардыбыт сурааһыннарым. Чугастык ылынным. Отут сыл туһалаан, анаммыт соругун толорон, араас атах таҥаһа ууруллан, сулууспалаан кэллэҕэ. Оччолорго күттүөннээх матырыйаал да атыыга суоҕа. Хантан эрэ булбут хаптаһыммынан, фанерабынан оҥорбутум. Фанератын кэннэ туох эрэ ойуулаах. Быраҕыллыбыты туһаннаҕым.
Син бэркэ ыпсарар эбиппин. Ыксал этэ. “Чэ, быстахха, кылгас кэмҥэ барыаҕа”, — диэн санаабытым. Санаабар, атах таҥаһын уурар тумбочка дуу, этажерка дуу ылыахтааҕым. Быстах туттарга оҥоһуллубут мал, арыт, өр үйэлэнэрэ баар суол.
Баччаҕа тиийээхтээбит. Кытаанах, үчүгэй “үс” сыанаҕа уһаммыт эбиппин.. “Түөрт” да буолуон сөп. “Биэс” — суох. Билигин, арааһа, ити оҥорорум табыллыбата буолуо. Билигин угольник… саморез… оргалит…
Оттон бу атах таҥаһа уурарбыт умайыа, суох буолуо. Дуоннаах күл да тахсыа суоҕа. Буруота куйаарга көтүөҕэ. Бэйэм да умнуоҕум…
Алаас Уола
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…