Хаартысканы Иван Сивцев-Бээди ыытта
Үнүр хаппырыаһы тимир ытарчатыттан быыһаабытым туһунан суруйбутум. Оттон бу бэҕэһээ хаар баттаан сууллар кутталлаах сайыҥҥы гарааспын көтүрэ сылдьан, өссө түөрт хаппырыаһы быыһаатым.
Үһэ гараас кэннинэн ааһар тимир илиис олбуор уонна гараас икки ардынан үүммүт. Гарааска мэһэйдэтэн иинэн-хатан, кэхтэн эрэллэр эбит. Оттон биир хаппырыас гараас ойоҕоһун диэкинэн акылаакка баттаттар даҕаны, үүнэн киһи саҕа буолан турар эбит. Онтон ордук улаатар кыаҕыттан ааспыт, лабаалара кууран-хатан эрэллэр.
Мин сэрэнэн акылаат аннынан хастым уонна луом аҕалан көтөҕөн көрдүм, чэпчэки соҕус эбит. Аны акылааты өндөтөн, аннынан туора мас быраҕыахха сөп эбит диэн толкуйдаатым. Ол кэмҥэ эмээхсин дьиэттэн быган тахсан хаһыытаата: «Эмиэ ити тугу гынаҕын?» — диэн, ыараханы көтөҕүө суохтаахпын санатта. Мин, хата, кинини ыҥыран ылан, бэйэм акылааппын көтөҕөн, ол анныгар маспын уктардым.
Кэлин толкуйдаан көрбүтүм, акылааты көтөҕүү тутах эбит. Маһым үүннэҕинэ иҥнэр мас эмиэ иҥнииһи. Онон луомунан муннуктарыттан төһүүлээн, акылааппын маспыттан тэйитэн биэрдим.
Мин киһиргээн эбэтэр биллэ-көстө сатаан маны суруйбаппын. Айылҕа маһа сүүһүнэн сылларга үүнэр-ситэр диэн баар. Оттон биһиги бу мин кэпсээбитим курдук, сылга саатар биирдии-иккилии маһы быһаатарбыт, туһата элбэх буолуо этэ. Оскуолалар, тэрилтэлэр эмиэ ити туһунан толкуйдуохтарын сөп.
Иван Сивцев-Бээди.
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах…
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…
Норуот синоптига Тускул этэринэн, сэтинньи 20-гэр диэри халлаан улаханнык тымныйыа суоҕа. Онтон хаар хаһан түһэр?…