Хаартысканы Владимир Стручков тиксэриитэ
Үөһээ Дьааҥы улууһун Суордаах нэһилиэгэр 350 киһи олорор. Улуус кииниттэн Баатаҕайтан кыһыҥҥы суолунан 420-чэ км тэйиччибит. Нэһилиэк сиригэр-уотугар “Билайн” сибээс , “Кайстрим”, “Телинтел”, “Ростелеком”, “Арктик Телеком” интэриниэт-сибээстэр бааллар.
Бөһүөлэккэ саҥа чааһынай дьиэлэр уонна саҥа социальнай эбийиэктэр тутуллан киирдилэр. Үчүгэй, билиҥҥи ирдэбилгэ эппиэттиир хааччыллыылаах ФАП балаҕан ыйтан үлэтин саҕалаата.
Кэлэр сылга элбэх өҥөнү оҥорор култуура дьиэтэ үлэҕэ киириэхтээх.
Сахалыы тыыннаах нэһилиэк буоламмыт, олохтоох дьон сүрүн дьарыктара — ынах, сылгы иитиитэ. Нэһилиэккэ биир сүрүн хаһаайыстыбабытынан Горохов Дмитрий Дмитриевич бааһынай-пиэрмэр хаһаайыстыбата буолар. Бу хаһаайыстыба улууска тыа хаһаайыстыбатын тэрилтэлэрин ортотугар үлэтинэн-хамнаһынан үс иһигэр киирэр. Дмитрий Дмитриевич хаһаайыстыбатын 2022 сылтан тэрийэн саҕалаабыта. Киниэхэ үлэлииригэр усулуобуйата барыта баар.
Киэн туттар үлэһиппит быйыл 25 төбө саха ынаҕын ылан Хатыҥнаах учаастагар иитэр. Билигин уопсай сүөһүтүн ахсаана — 50-ча төбө, сылгыта — 120.
Дмитрий Горохов саҥа 50 миэстэлээх хотону тутан киллэрэн эрэр. Быйыл сайын үчүгэйдик оттоон, кыстыыр отун булунна, былаанын 100 % толордо. Маныаха тиэхиньикэтин көдьүүстээхтик туһанна.
Ыраах, кытыы сытар нэһилиэк урукку сылларга уу халааныгар ылларан, улуус саамай мөлтөх олохтоох нэһилиэктэрин ахсааныгар киирэрэ. Билигин сэттэ сыл иһигэр үлэтинэн-хамнаһынан улуус 15 нэһилиэгиттэн 5 иһигэр киирэр кыахтанна.
Суордаахха быйыл киин ититиигэ анаан хочуолунай бырайыага оҥоһуллан бүтэн, кэлэр сылтан тутуута саҕаланыаҕа. Маны тэҥэ СӨ Үөрэҕин министиэристибэтин былаанынан 2025 сыллаахха оскуола-саад былааҥҥа турар. Саҥа талыллар олохтоох дьаһалта үлэһиттэрэ маннык үрдүк таһымы намтаппакка, өссө күүстээх үлэни ыытыахтара диэн эрэнэбин.
Владимир Стручков, Дьааҥы улууһун Суордаах нэһилиэгин 2017-2024 сс. баһылыга
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…