Елена Потоцкая хаартыскаҕа түһэриитэ
В.Г. Белинскэй аатынан кыраайы үөрэтэр бибилэтиэкэҕэ саха суругунан литературатын 125, Алексей Кулаковскай-Өксөкүлээх Өлөксөй төрөөбүтэ 148 сылларын чэрчитинэн олус иһирэх, долгутуулаах, сылаас тыыннаах тэрээһин буолан ааста.
Саха суругунан литэрэтиирэтэ төрүттэммитэ быйыл 125 сыла — бэлиэ даата 1900 сылтан, саха улуу суруйааччыта, бөлүһүөк Алексей Елисеевич Кулаковскай-Өксөкүлээх Өлөксөй “Байанай алгыһа” поэматыттан ааҕыллар. Кыраайы үөрэтэр бибилэтиэкэ “Байанай алгыha” — саха бастакы суругунан айымньытыгар анаммыт быыстапката ааҕааччылар интэриэстэрин тарта.
СӨ народнай артыыһа, РФ уонна СӨ үтүөлээх артыыһа Дмитрий Артемьев «Ойуун түүлэ» поэманы аахпытын ааҕааччылар олус кэрэхсээн иһиттилэр.
Бибилэтикэрдэр ааҕааччы туттарыгар анаан Алексей Елисеевич Кулаковскай-Өксөкүлээх Өлөксөй алгыстарынан кинигэ кыбытыыларын оҥорбуттар.
Саха духуобунай лиидэрэ, саха литэрэтиирэтин төрүттээчи поэмаларыттан алгыстары ааҕааччылар дорҕоонноохтук аахтылар.
Кэрэхсэбиллээҕэ баар, суолталаах тэрээһиҥҥэ элбэх ыччат кыттыыны ылла.
Бу бэлиэ күн ааҕааччыларга Өксөкүлээх Өлөксөй сиэнэ Лариса Реасовна Кулаковская олус истиҥник эһэтин, төрөппүттэрин, бииргэ төрөөбүттэрин туһунан кэпсээтэ.
Кини дьиэ кэргэнин архыыбыттан бэрт сэдэх хаартыскалары көрдөрөн кэпсээбитин көрсүһүүгэ кэлбит дьон бэркэ сэргээтилэр, үгүс ыйытыыны биэрдилэр.
«Мин Лариса Реасовна Өлөөһө диэн өбүгэтин туһунан сырдаппытын кэрэхсээтим. 1826 сыллаахха кини илиитинэн суруллубут докумуонун көрдөрдө. Салгыы Өксөкүлээх Өлөксөй сэдэх кинигэлэрин көрдүбүт, билистибит. Лариса Реасовна кэлбит дьон сэҥээриитин ылыан ылла, махталын тутта«, — диэн бибилэтиэкэ көхтөөх ааҕааччыта Оксана Тобохова санаатын үллэһиннэ.
Өймөкөөн улууһун олохтооҕо, РФ үтүөлээх учуутала Мария Боярова Тымныы полюһунан аатырар Өймөкөөҥҥө Өксөкүлээх Өлөксөй сэттэ төгүл кэлэн барбытын туһунан кэпсээтэ.
Кулаковскайдар дьиэ кэргэҥҥэ, улуу бөлүһүөк сыдьааннарыгар Ытык Өймөкөөнү кытта сибээһи быспаттарыгар, араас тэрээһиннэргэ көхтөөхтүк кыттан, киниэхэ кэлэн өрүү ыалдьыттыылларыгар махталын тиэртэ.
Педагогическай үлэ бэтэрээнэ Тамара Винокурова Алексей Кулаковскай — Өксөкүлээх Өлөксөй туһунан кэнники сылларга тахсыбыт кинилэгэри анаан атыылаһан мунньарын кэпсээтэ. Кини «Өймөкөөн»кэмиэрчэскэйэ суох уопсастыбаннай тэрилтэ (НКО) аатыттан Өймөкөөн улууһун киэн туттар киһитэ, саха суруйааччыта, литературнай кириитигэ Н.М. Заблоцкай-Чысхаан туһунан «Чысхаан дойду сылаас тыллааҕа» кинигэни Лариса Кулаковскаяҕа бэлэх уунна.
Ити курдук, ааҕааччылар сүгүрүйэр улуу киһилэрин туһунан бэрт элбэҕи биллилэр-көрдүлэр.
Көрсүһүүгэ кэлбит дьон санааларын дуоһуйа үллэстэн, бибилэтиэкэ үлэһиттэригэр олус дириҥ ис хоһоонноох көрсүһүүнү тэрийбиттэригэр барҕа махталларын тиэртилэр.
Хатастааҕы амбулаторияҕа энергетигы испит эдэр киһи кэлбит диэн социальнай ситиминэн олоҕо суох сымыйа сурах тарҕаммыт.…
Дьахталлар бырааһынньыктара буолан, эмээхсиним “девичниктиир” үһү, онон хайа эрэ атаскар бар диэн буолла. Онон үүрүллүбүт…
Дьиэбитин, кыбартыырабытын тупсаҕай көстүүлээри араас малы-салы, миэбэли атыылаһабыт. Кырдьыгын эттэххэ, хаһаайка үксэ бу састаабыгар болҕомто…
Саха тыллаах хаһыаттар төһөлөөх элбэх дьону күүстээх үлэҕэ, саҥаны-бастыҥы тарҕатыыга, ситиһиигэ, кыайыыга-хотууга кынаттаабыттара буолуой?! Саха…
Саха сиригэр Өлүөнэ, Сиинэ, Өлөөн, Алдан, Амма, Өлүөхүмэ, Марха, Индигир өрүстэр очуостарыгар уонна хаспахтарыгар уопсайа…
Саха сиригэр стратегическай суолталаах тутуу үлэтэ - Өлүөнэ эбэни туоруур муостаны тутуу тиһиктээхтик салҕанар. Бырайыак…