Ааллаах Үүҥҥэ  балыктар өлбүттэринэн бэрэбиэркэ ыытыллар 

Муус устар 13 күнүгэр социальнай ситимнэринэн уонна мессенджерга Уус Маайа оройуонугар Ааллаах Үүн өрүһүгэр өлбүт балыктар тустарынан видео тарҕаммыта.

Билигин Саха сирин Экологияҕа министиэристибэтин Уус Маайатааҕы экологияны судаарыстыбаннай кэтээн көрүүгэ иниспиэксийэтэ Росрыболовство Илин Сибиирдээҕи сирдээҕи-уоттааҕы управлениетын кытта миэстэтигэр тиийэн чинчийии ыыталлар.

Онон туохтан балыктар өлбүттэрин быһаарыыга уу боруобатын ылыахтара. Ол курдук, өрүстэн 1000 миэтэрэ өрө уонна 500 миэтэрэ  аллараа сүүрүгүттэн ылыахтара.

Боруобаны Экология министиэристибэтин лабораториятыгар («РИАЦЭМ») үөрэтэн, өрүскэ уу туругун быһаарыахтара.  Бэрэбиэркэ түмүгүн иһитиннэриэхтэрэ.

Хаартыска: Экология министиэристибэтэ