Аан дойду чөмпүйүөнэ Лала Крамаренко оҕолору үөрэттэ

“Муус устар” ыччат бэстибээлин чэрчитинэн, Дьокуускайга художественнай гимнастикаҕа аан дойду хас да төгүллээх чөмпүйүөнэ Лала Крамаренко кэлэн, оҕолору кытары көрүстэ, алтыста, үөрэттэ диэн СИА суруйар.

— Бу маннык бэстибээллэр оҕолорго олус наадалаахтар. Бастатан туран, ыччат инники идэтин таларыгар көмөлөһөллөр. Биһиги уопсастыбаннай түмсүүбүт бу тэрээһини ыытарга көхтөөх кыттыыны ылар. Спорт киһини сайыннарар, доруобуйатын бөҕөргөтөр эрэ буолбатах, оҕо араас өттүнэн сайдарыгар олук уурар. Спордунан дьарыктанар оҕо сыалын ситиһэр, үлэһит, тулуурдаах, эппиэтинэстээх буола улаатар. Оттон бу курдук аатырбыт спортсменнар кэлэн кытталлара оҕолорго олус элбэҕи биэрэр, сыалларын ситиһэллэригэр кынаттыыр, — диэн Художественнай гимнастика федерациятын уонна Үҥкүү спордун сойууһун салайааччыта Людмила Николаев тоһоҕолоон бэлиэтээтэ.

Аан дойду хас да төгүллээх чөмпүйүөнэ Лала Крамаренко бэйэтин маастарыстыбатын көрдөрдө. Маны тэҥэ, олимпийскай чөмпүйүөнкэ Ксения Дудкина эмиэ ыалдьыттаата. Кини Дьокуускайга хас да сыл үлэлээбитэ уонна үөрэммитэ. Бу кэнниттэн оҕолор эмиэ тугу сатыылларын көрдөрдүлэр. Баҕар, кинилэртэн эмиэ олимпийскай чөмпүйүөннэр үүнэн тахсаайаллар?