Аан дойду үс төгүллээх чөмпүйүөнэ Лала Крамаренко Дьокуускайга маастар-кылаас ыытыаҕа

Уус-уран гимнастикаҕа юниордарга аан дойду үс төгүллээх, Европа түөрт төгүллээх, Арассыыйа хас даҕаны төгүллээх чөмпүйүөнэ Лала Крамаренко Дьокуускайга маастар-кылаас ыытыаҕа, маастарыстыбатын көрдөрүөҕэ. Тэрээһин «Муус-устар-2023» бэстибээл иитинэн ыытыллыаҕа.

Лала Крамаренко кулун тутар 24 күнүгэр 18:00 чаастан «Модун» успуорт киинигэр маастарыстыбатын көрдөрүөҕэ.

Оттон кулун тутар 25 күнүгэр 09:00 чаастан гимнастка өрөспүүбүлүкэ эдэр спортсменнарын кытта көрсүөҕэ, маастар-кылаас биэриэҕэ. Тэрээһин кэнниттэн эдэр гимнасткалар Лала Крамаренконы кытта кэпсэтиэхтэрэ, хаартыскаҕа түһүөхтэрэ.