Хаартыска: социальнай ситимнэртэн.
Грецияҕа чэппиэргэ МОК 144-с сиэссийэтигэр МОК бэрэсидьиэнин быыбара буолла.
Бу дуоһунаска сэттэ киһи күөн күрэстэспит. Кинилэр истэригэр харбааһыҥҥа икки төгүллээх олимпийскай чөмпүйүөн Кирсти Ковентри уонна чэпчэки атлетика федерацияларын норуоттар икки ардыларынааҕы ассоциацияларын бэрэсидьиэнэ Себастьян Коу бааллара.
Үгүстэр Коу кыайыа дии санаабыттара, ол гынан баран быыбар түмүгүнэн Ковентри тута кыайбыта уонна аҕыс сыл устата бу дуоһунаска олорор.
«Мин Аан дойдутааҕы Олимпийскай кэмитиэт бэрэссэдээтэлинэн талыллыбыппын улахан чиэһинэн ааҕабын! Элбэх сыл анараа өттүгэр Зимбабвеҕэ аан бастаан харбыы үөрэммит эдэркээн кыыс маннык түгэн тосхойуо диэн толкуйдаабат да этим. Бу куоластааһын үгүс дьону көҕүлээбитэ буолуо диэн эрэнэбин уонна холобур буоларга эппиэтинэһи сүгэрбин өйдүүбүн, — диэтэ Ковентри быыбарын кэнниттэн.
Быыбар хампаанньатын кэмигэр Ковентри утарсааччыларыттан уратыта диэн, Арассыыйа Олимпиадаҕа кыттыытын тиэмэтин тыыппатаҕа.
2022 сыллаахха Арассыыйа спортсменнарын туоратар туһунан быһаарыыны көтүрүүгэ өйөөччүнэн уонна МОК-ка Парижка буолбут Оонньууларга нейтральнай статустаах киириилэрин биир бастакынан эҕэрдэлии көрсүбүтэ биллэр.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…