Хаартыска: Андрей Сорокин, СИА.
Сунтаар сэлиэнньэтигэр икки сүппүт оҕону ааспыт түүн булбуттар. 9 саастаах уонна 7 саастаах кыыс, оҕо былаһааккатыгар оонньуу тахсыбыттар, онтон салгыы быраҕыллыбыт дьиэҕэ киирбиттэрин кэннэ ааннара сабыллан хаалбыт.
Бу туһунан СИА суруйар. “Ыам ыйын 3 күнүгэр киэһэ сэттэ чаас диэки оҕолор былаһааккаҕа оонньуу тахсыбыттар. Киэһэ 10 чаас диэки дьуһуурунай чааска Сунтаар олохтооҕо, оҕолор кииринньэҥ аҕалара иһитиннэрбит. Оҕолор сүппүттэрин туһунан иһитиннэрии социальнай ситимнэринэн тарҕаммыта. Оҕолору көрдүү 200-чэкэ киһи тахсыбыта, ол иһигэр баҕа өттүнэн кыттааччылар, барыта 40 массыына сыһыарыллыбыта. Улуус дьаһалтата уонна ыксаллаах быһыы-майгы хамыыһыйата суһал ыстаабы тэрийэн, көрдөөһүнү сүрүннээбиттэрэ” – диэн улуус баһылыгын бастакы солбуйааччы Николай Александров кэпсээтэ.
Оҕолору олорор дьиэлэриттэн чугас баар быраҕыллыбыт дьиэттэн, түүн икки чаас саҕана булбуттар. Киирээттэрин кытта ааннара сабыллан хаалбыт. Полиция, быыһыыр сулууспа үлэһиттэрин уонна биир волонтер бөлөҕө оҕолор түннүгүнэн далбаатыылларын бэлиэтии көрбүттэр.
Кыыстаах уолу сокуоннай саастарын ситэ иликтэр дьыалаларынан дьуһуурунай чааска тириэрдэн баран, тута балыыһаҕа быраастар көрүүлэригэр илпиттэр. Оҕолор куттаммыттарын туһунан суруллар.
СИА.
Кутурук иилиммит, сирэйигэр куоска мааскалаах эрдэҕэс саастаах кыыс оҕо оонньуур былаһааккатыгар түөрт атах буолан сылдьарын…
Бэҕэһээ, ыам 17 күнүгэр, Амма улууһугар быйыл ыытыллар Олоҥхо ыһыаҕын тэрийэр кэмитиэт көһө сылдьар сүбэ-мунньаҕа…
Дьылбыт быйыл эрдэлээн иһэр буолан, сайылыктаахтар көһүүлэриттэн саҕалаан, тыа сиригэр үлэ тэтимэ биир кэм оргуйан…
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…