Ааны алдьатан киирэн тэлэбиисэр уорбут

Мииринэйдээҕи ИДьМ дьуһуурунай чааһыгар Светлай бөһүөлэгин олохтооҕо дьахтар тэлэбиисэрин уордарбытын туһунан иһитиннэрбит. Хоромньу 10 тыһ.солк. тэҥнэспитин туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ Казахстантан төрүттээх 38 саастаах киһи уорбаланарын быһаарбыттар.

Силиэстийэ дааннайдарынан, бу киһи рекламнай илиистэри сыһыарар үлэлээх эбит. Элбэх кыбартыыралаах дьиэ подъеһыгар киирэн, биир кыбартыыраҕа киирэр аан мөлтөх көрүҥнээҕин бэлиэтии көрбүт. Хаһаайыттар суохтарын билэн, ааны алдьатан киирэн тэлэбиисэри уорбут. Бу малы бэйэтигэр хаалларар сыаллаах ылбыт.

Уоруунан холуобунай дьыала тэрилиннэ.