Саха сирин суруйааччыларын сойууһа сыллааҕы түмүгүн таһаарда. Быйылгы судургута суох сылга элбэх үлэ ыытыллыбыт. Ол курдук, 5 антологияны, хас да бэлиэ кинигэни бэлэмнээн таһаардылар.
Казахстаҥҥа саха поэзиятын, Татарстаҥҥа саха прозатын антологиялара, Литературнай институт таһаарбыт “Якутский современный рассказ” антология, »Ыллыым ээ, ыллыым» диэн Алампа хоһоонун 32 омук тылларыгар тылбаастаммыт антологията, ону тэҥэ, хас да бэлиэ кинигэлэр бэчээттэнэн таҕыстылар. Москваҕа саха литературатын күнэ, саҥа кинигэлэри сүрэхтээһиннэр, үбүлүөйдээх дьоро күннэр үрдүк таһымнаахтык ыытылыннылар. Быйыл “Смарт” библиотекаҕа Николай Неустроев аата иҥэрилиннэ, Суруйааччылар сойуустарын кытары бииргэ үлэлэһэргэ сөбүлэһии түһэристилэр.
А.М. Горькай аатынан Литературнай институт “Саха аныгы кэпсээнэ” антологияны нууччалыы тылынан бэчээттээн таһаарда. Кэнники сылларга бу маннык бэлиэ түгэн өссө буола илигэ. Ахсынньы 24 күнүгэр антологияҕа киирбит ааптардарга кинигэлэри туттардылар.
Олег Сидоров, “Саха сирин суруйааччылара” ассоциация салайааччыта:
— Чахчы, элбэх үлэ барбыт. Саха сирин суруйаачыларын сойуустара элбэх айар сойуустартан инники күөҥҥэ сылдьар. Эдэр ааптардары өйөөн, үһүс сылын Н.Неустроев аатынан литертурнай бириэмийэни туттарабыт. Ону тэҥэ, Владимир Короленко аатынан саҥа бириэмийэни нууччалыы тыллаах суруйааччыларга туттарыахпыт. Литинститут салалтата Саха сиригэр олус үчүгэйдик сыһыаннаһар. Икки сылынан тылбаас бөлөҕөр саҥа оҕолору талыахпыт этэ. Бу антология идиэйэтэ — 1991 сыл кэнниттэн суруллубут, аныгы үйэ кэпсээнньиттэрин бастыҥ айымньылара хомуллан киирдилэр. Үксэ сааһырбыт суруйааччылар кэпсээннэрэ киирбиттэр. Институкка: »Эдэрдэргит тоҕо аҕыйахтарый?»- дииллэр. Онон аныгыскыга эдэрдэр хомуурунньуктарын таһаарарга кэпсэтиини ыыта сылдьабыт.
Аита Шапошникова, тылбаасчыт, литературнай институт доцена:
— Литинститукка кэнники кэмҥэ долгун курдук кимэн киирдибит. Урукку өттүгэр 40-ча улахан суруйааччыларбыт үөрэммиттэрэ. Онтон ситим быстан хаалбыт. Литинститукка Николай Лугинов үбүлүөйэ бэлиэтэниэҕиттэн, Анатолий Слепцов киирэн үөрэниэҕиттэн, »муус хамсаан” барбыта. Салгыы хамсааһын тахсарыгар бу кинигэ оруоллаах буолуоҕа. Өрөспүүбүлүкэ 100 сылыгар тахсыбыта дьоһун суолталаах. Манна 39 ааптар, 14 тылбаасчыт үлэтэ көстөр. «Литератураҕыт араас көрүҥнээх, элбэх хайысхалаах эбит, дьиҥ сахалыы тыыннаах кэпсээннэр бааллар», — диэн преподавателлэр наһаа үөрэллэр. Эдэрдэр айымньыларын, төрүт олохтоох норуоттар литератураларын антологияларын интэриэһиргииллэр, бу манна үлэни ыыта сылдьабыт.
Владимир Путин дьаһалынан, дойду үрдүнэн айар эйгэҕэ 5 үрдүк үөрэх кыһата иккис үрдүк үөрэҕи буор-босхо биэрэр кыахтаннылар. Ол иһигэр Литинститут эмиэ. Федеральнай квотанан араас идэлээх дьон (физиктэр, быраастар, худуоһунньуктар, уо.д.а.) БКЭ туттарбакка, анал эксээмэн эрэ туттаран баран киириэхтэрин, босхо үөрэниэхтэрин сөп буолла. Маннык чэпчэтиинэн абитуриент бастакы үрдүк үөрэҕин диплома филология хайысхатыттан атын буоллаҕына, туһанар. Арассыыйа норуоттара киирэн үөрэнниннэр, ону аҕытаассыйалаа диэн миигин сорудахтаан ыыттылар.
Тохсунньуга антологияны аҕалан, бары ааптардарга тиэрдиэхпит. Тираһа – 300 устуука эрэ, ассоциация эбии 200-һү бэчээттэтиэҕэ. Онон, ахсаана аҕыйах, ыларга тиэтэйиҥ!
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…