«Аар Кудай» кыайыылааҕынан Уус Алдантан Сардаана Гуляева буолла

Бэҕэһээ, кулун тутар 16 күнүгэр, Дьокуускайга «Аар Кудай» куонкурус түмүктэннэ. Кыайыылааҕынан Уус Алдантан Сардаана Гуляева буолла диэн куонкурус социальнай ситимнэригэр суруйаллар.

Кыайыылаахха 1 мөл.солк. харчынан уонна Индияҕа ыытыллар «MRS. UNITY 2025» норуоттар икки ардыларынааҕы куонкуруска кыттарга путевканы туттардылар. Итиэннэ анал ааттарга Дьокуускайтан Зульфия Слепцова, Мииринэйтэн Юлия Симонова, Үөһээ Бүлүүттэн Василиса Якоавлева тигистилэр.

Куонкурус тэрийээччитинэн «Аар Кудай» пуонда бэрэсидьиэнэ уонна «Mrs Unity World» кыайыылааҕа Зарьяна Юмшанова буолар.