Аар тайҕа хаһаайына ыалдьыттаабыт

От ыйын 12 күнүгэр киэһэ 21:08 чааска Хаандыга бөһүөлэгиттэн 7 км тэйичич баар “Заплава” диэн даачаҕа  аар тайҕа хаһаайына бэйэтинэн кэлэн барда.

Тыатааҕы ыал учаастагар көҥүл киирэн, оҕо сөтүөлүүр бассейнын алдьаппыт, буочукалары төкүнүппүт. Бу кыыл манна бастакы эрэ сырыыта буолбатах, хата, бу уһук турар уһаайбаҕа ким да суоҕар “ыалдьыттаабыт”. Дьиэ иһин барытын сүргэйбит. Дьолго, ыаллыы уһаайбаҕа соҕотох олорор аҕам саастаах дьахтары тыыппатах. Бу күн даача атын олохтоохторо үлэлэригэр эҥин барыталаабыттар. Даачаларга сайын аҕыйах киһи (5-6) олорор.

Тыатааҕы эр киһи тимир иһити тыаһаппытыттан соһуйан, тыа диэки “буукка бэрдэрбит”.

“Заплава” олохтоохторо дьаһалта уонна экология сулууспата дьон олоҕор куттал суох буолуутун хааччыйыахтара диэн бүк эрэнэллэр.

Хаартыска СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин саайтыттан