Ааспыт өрөбүллэргэ Дьокуускай куоракка 23 суол быһылаана таҕыста

Балаҕан ыйын 27 күнүгэр Дьокуускайга Глухой переулок 2/2 дьиэтин таһыгар тиэргэнтэн тахсан иһэн, 30 саастаах суоппар «Тойота Витц» массыынанан айаннаан иһэн 67 саастаах дьахтары түҥнэри көттө. Массыына охсуутун түмүгэр дьахтар эт-хаан эчэйиитин ылла.

Бу туһунан СӨ Суолга куттал суох буолуутун судаарыстыбаннай иниспиэксийэтэ иһитиннэрэр.

Икки күн иһигэр массыына суолугар тахсыбыт 8 саахалга, суоппардар быһылаан тахсыбыт сириттэн куоппуттара бэлиэтэммит. РФ КоАП 12.27 ыстатыйатынан, суол-тырааныспар быһылаана тахсыбыт сириттэн куоппут суоппардар 1 сылтан 1,5 сылга диэри бырааптара былдьаныан эбэтэр 15 сууккаҕа диэри хаайыллыахтарын сөп.