Ааспыт өрөбүллэргэ экскаватор, тутуу эбийиэгэ, дьиэ, гараас умайбыттар

Ааспыт өрөбүллэргэ элбэх кыбартыыралаах дьиэ, гараас, массыына, экскаватор, тутуу эбийиэгэ умайбыттар.

ЫБММ пресс-сулууспата иһитиннэрэринэн, Саха сиригэр ааспыт өрөбүллэргэ киин куоракка Кржижановскай аатынан уулуссаҕа сарсыарда эрдэ тутуу эбийиэгэ умайбыт, 18 кв.м. иэнэ уокка былдьаммыт.

Айхал бөһүөлэккэ сарсыарда 11.47 чаас саҕана экскаватор умайбыт. Тырааныспар бүтүннүү уокка былдьаммыт. Буруйдаах, баһаар төрүөтэ быһаарыллар.

Нерюнгрига күнүс 14.31 чааска Чульман бөһүөлэккэ Советская уулуссаҕа чааһынай гараас умайбыт. Гараас иһигэр турбут массыына, гараас 24 кв.м. иэнэ умайбыт.

Алдан куоракка Строителей уулуссаҕа киэһэ 20.25 чааска көһөрүллүбүт дьиэ умайбыт.Дьиэ 200 кв.м. иэнэ умайбыт. Баһаар төрүөтэ, буруйдаах быһаарыллар.