Ааспыт өрөбүллэргэ киин куоракка 19 суол быһылаана таҕыста

Ааспыт өрөбүллэргэ Дьокуускай куоракка 19 суол быһылаана  таҕыста.  Онно үс киһи эчэйиини ылла уонна биир киһи суорума суолланна. Бу туһунан Куорат госавтоиниспиэксийэтэ иһитиннэрдэ.

Алтынньы 4 күнүгэр түүн  2 ч. саҕана  Можайскай уул.  105  №-дээх дьиэтин таһыгар  54 саастаах  «Mazda Familia»  суоппара Марха микро-оройуонун өттүттэн айаннаан иһэн,  уулуссаны сырдатар остуолбаҕа кэлэн түспүт.  Ол түмүгэр  суоппар ыарахан эчэйиини ылан, суһал көмө массыынатыгар өлбүт.

Эмиэ бу күн, аҕыйах чаас ааспытын кэннэ,  Дзержинскэй уул.  40  №-дээх дьиэтин таһыгар  32 саастаах  «Honda Vezel»  массыына суоппара  Кальвица уул. өттүттэн айаннаан иһэн, утары балаһаҕа тахсан,  «Toyota Corolla Fielder» массыынаны кытары харсыспыт. Суол быһылаанын түмүгэр «Toyota Corolla Fielder»  массыына 44 саастаах  пассажира эчэйбит.  Быһаарыллыбытынан, утары балаһаҕа тахсыбыт суоппар   холуочук туруктаах эбит. Ол гынан баран  мэдиссиинискэй бэрэбиэркэни ааһартан аккаастаммыт.

Күнүс  Семен Данилов уонна  Петр Алексеев уулуссалар быһа охсуһууларыгар «Toyota Corolla Fielder» уонна  «LexusRX350» массыыналар харсыһан,  пассажир эчэйбит.

Очиченко  уул. 6 к. 1.  нүөмэрдээх дьиэ таһыгар сатыы киһини  түҥнэри көппүттэр.