Ааспыт өрөбүллэргэ олохтоохтор 3,8 мөл.солк. харчыны сүтэрбиттэр

Саха сиригэр ааспыт өрөбүллэргэ полицияҕа түөкүттэргэ албынаппыттарын туһунан 7 иһитиннэрии регистрацияламмыт. Хоромньу уопсай суумата 3,8 мөлүйүөн солкуобайга тэҥнэспит. Бу туһунан ИДьМ пресс-сулууспатыгар иһитиннэрдилэр.

Дьокуускайга биэнсийэлээх уонна Нерюнгриттан тимир суол ыстаансыйатын үлэһитэ «ФСБ үлэһитэ» схемаҕа киирэн биэрэн, 190 тыһ.солк. уонна 2,1 мөл.солк. сүтэрбиттэр.

Хаҥалас улууһуттан санитар уонна ыскылаат сэбиэдиссэйэ «Росфинмониторинг үлэһиттэригэр» итэҕэйэн, түөкүттэргэ 480 тыһ.солк. уонна 2 мөл.солк. ыппыттар.

Мэҥэ Хаҥалас ОДьКХ үлэһитэ уонна үлэтэ суох эр киһи «инвестицияҕа» үлэлээри, 656 тыһ.солк. уонна 590 тыһ.солк. сүтэрбиттэр.

Оттон 79 саастаах биэнсийэлээх дьахтарга «Социальнай страховкалааһын пуондатыттан» эрийэн, мунньуллубут 527 тыһ. солк. уорбуттар.