Андрей Сорокин хаартыската, ЯСИА архыыбыттан.
Ааспыт өрөбүллэргэ Саха сиригэр уон ойуур баһаарын булбуттар, мантан аҕыс баһаары умуруорбуттар. Билигин икки бохсуллубут уоту умуруорууга үлэ салҕанар. Бу туһунан бүгүҥҥү брифиҥҥэ экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Андрей Коноплев иһитиннэрдэ.
Ол курдук, баһаардары Эбээн Бытантай, Бүлүү, Үөһээ Дьааҥы, Өймөкөөн, Нерюнгри уонна Уус Алдан оройуоннарыгар булбуттар.
«Тустаах сулууспалар үлэлэринэн 54 га иэннээх сэттэ ойуур баһаара уонна 2 га иэннээх биир ландшафтнай баһаар умуруорулунна. Уоту умуруорууга 118 киһи, 11 тиэхиньикэ уонна 3 көтөр аал үлэлээтэ», – диэтэ Андрей Коноплев.
Нерюнгри уонна Уус Алдан оройуоннарыгар 9,5 га иэннээх икки баһаар бохсулунна. Нэһилиэнньэлээх пууннарга уонна экэниэмикэ эбийиэктэригэр куттал суоһаабат.
Бэс ыйын 4 күнүгэр «Як-40» зондировщик-сөмөлүөт Сунтаар, Хаҥалас уонна Горнай улуустарыгар былыты аҕаларга үлэлээтэ.
Амма, Үөһээ Бүлүү, Бүлүү, Горнай, Нам, Сунтаар, Уус Алдан улуустарыгар уонна Дьокуускайга баһаартан сэрэхтээх буолуу төрдүс кылааһа турар.
Барыта, өрөспүүбүлүкэҕэ баһаар сезона саҕаланыаҕыттан 141,6 гектар иэннээх сиргэ 33 ойуур баһаара, 1279,5 гектардаах сиргэ 39 ландшафтнай баһаар тахсыбыт.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…