Хаартыска: СИА
Саха сиригэр ааспыт икки өрөбүл күн 30 тыһ. га кэриҥэ иэннээх 16 ойуур баһаарын умуруорбуттар. Үөһээ Бүлүү, Горнай, Эдьигээн, Ленскэй, Нам, Өлүөхүмэ уонна Сунтаар улуустарыгар баһаардары умуруорбуттарын туһунан атырдьах ыйын 26 күнүнээҕи брифиҥҥэ Экология, айылҕаны туһаныы уонна ойуур хаһаайыстыбатын миниистирин солбуйааччы Андрей Коноплев иһитиннэрдэ диэн СИА суруйар.
“Барыта 29 840,5 га иэннээх 16 ойуур баһаарын умуруордубут. Үөһээ Бүлүүгэ, Горнайга иккилии, Эдьигээҥҥэ биир, Ленскэйгэ алта, Намҥа биир, Өлүөхүмэҕэ үс, Сунтаарга биир көрдүгэни умуруортаатыбыт. 102 541 га иэннээх 14 ойуур баһаарын бохсордубут: икки Үөһээ Бүлүү, биир Бүлүү, биир Горнай, алта Ленскэй, үс Өлүөхүмэ уонна биир Сунтаар улуустарыгар.
Атырдьах ыйын 26 күнүнээҕи туругунан сарсыарда Саха сиригэр барыта 42 ойуур уонна биир айылҕа баһаара баара бэлиэтэнэр. Бу баһаардар 15 улууска бара тураллар” — диэн Коноплев бэлиэтээтэ.
Космическай уонна авиационнай кэтээн көрүү түмүгэр 47,5 га иэннээх сэттэ ойуур баһаарын булбуттар. Баһаары умуруорууга 1182 киһи, 93 тиэхиньикэ үлэлиир. Өрөбүлгэ “Атмосфера” Ан-26 зондировщик-сөмөлүөт Бүлүү бөлөх улуустарыгар үлэлээтэ. Бе-200 сөмөлүөт Ленскэй улууһун кэккэ баһаардарынан көхтөөхтүк үлэлиир.
Баһаар кутталлаах кэмэ саҕаланыаҕыттан өрөспүүбүлүкэҕэ барыта 2 897 000 га иэннээх 1003 ойуур баһаарын умуруорбуттар. Саха сиригэр федеральнай уонна эрэгийиэн таһымнаах ойуурдарга ыксаллаах быһыы-майгы эрэсиимэ оннунан хаалар. Улуус таһымнаах ыксаллаах быһыы-майгы эрэсиимэ 7 улууска биллэриллибитэ: Бүлүү, Дьааҥы, Үөһээ Бүлүү, Горнай, Ленскэй, Өлүөхүмэ, Сунтаар.
СИА.
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…
Бу өрөбүлгэ «Восточнай» космодромтан «Союз-2.1б» аракыата көппүтэ. Бүлүү улууһун Үгүлээтигэр быыһааччылар бөлөхтөрө "Роскосмос" үлэһиттэрин кытта…
Бүгүн, ахсынньы 29 күнүгэр, өрөспүүбүлүкэ соҕуруу өттүгэр кыралаан хаардыаҕа, киин оройуоннарга сорох сиринэн туманнаах тымныы…
Бу нэдиэлэҕэ эргэ сыл түмүктэнэр, саҥа сыл саҕаланар. Сулустар Чубуку бэлиэтигэр күүскэ дьайаллар, онон бу…
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…