Ааспыт нэдиэлэҕэ Дьокуускайга 47 бэйдиэ сылдьар ыты туттулар

Ааспыт нэдиэлэ түмүгүнэн, кулун тутар 6-12 күннэригэр, Дьокуускайга 47 бэйдиэ сылдьар ыты туттулар.  Маннык сылдьар ыттары тутаары, күн ахсын сэттэ биригээдэ үлэлиир.

Ол курдук, «Помоги выжить» аһымал пуондаттан икки биригээдэ, бэйдиэ сылдьар кыыллары утары үлэлиир сулууспа үс биригээдэтэ уонна Огонеров диэн чааһынайтан икки биригээдэтэ үлэлэһэр. Билиҥҥи туругунан пууҥҥа уопсайа 1231 ыт баар. Сыл саҕаланыаҕыттан уопсайа 630 ыт тутуллан пууҥҥа илдьиллибит.

Маны сэргэ, ааспыт нэдиэлэҕэ 16 рейдэ оҥоһуллубут. Сыл саҕаланыаҕыттан уопсайа 138 рейдэ оҥоһуллубут. Кыылы иитиигэ быраабыланы кэһии иһин 65 боротокуол толоруллубут. Бэйдиэ сылдьар ыты көрдүгүт да, хаартыскалаан 89142610698 нүөмэр чат-ботугар ыытаргытын эбэтэр биир кэлим диспетчерскэй сулууспаҕа 44-42-51 эрийэргитин умнумаҥ. Уулуссаҕа бэйдиэ сылдьар ыт суох буолуохтаах.