Хаартыска: ИДьМ пресс-сулууспата
Дьокуускайга ааспыт нэдиэлэҕэ 61 суол-тырааныспар быһылаана тахсан, 11 киһи, ол иһигэр сааһын ситэ илик 7 оҕо эчэйдилэр.
Нэдиэлэ устата бэлэсипиэттээх дьону 3-тэ түҥнэри көттүлэр.
— Ыам ыйын 19 күнүгэр киэһэ 20.00 чааска Экспериментальнай уулусса 4Б №-дээх дьиэтин таһыгар кимэ биллибэт суоппар 42 саастаах бэлисипиэттээх киһини түҥнэри көппүт.
— Ыам ыйын 20 күнүгэр Чернышевскай-Дежнев уулуссалар быһа охсуһууларыгар “Toyota Vista” массыынаны ыытан испит 22 саастаах эдэр суоппар 13 саастаах бэлисипиэттээх кыыһы түҥнэри көппүт.
— Ыам ыйын 25 күнүгэр Строд уулуссатыгар 62 саастаах суоппар “Toyota Corolla Axio” массыынаны түргэнник ыытан иһэн, 39 саастаах бэлисипиэттээх дьахтары түҥнэри көппүт.
Маны тэҥэ суол быраабылатын кэһээччилэр сатыы иһэр 5 киһи олоҕор кутталы үөскэппиттэр. Ол курдук, Ленин-Кулаковскай уулуссаларын быһа охсуһууларыгар “Toyota Premio” 38 саастаах суоппара самокатынан туораан иһэр 9 саастаах уолу түҥнэри көппүтэ билиннэ.
Эмиэ ыам ыйын 20 күнүгэр Дзержинскэй уулусса 1 №-дээх дьиэтин таһыгар массыына сатыы иһэр 14 саастаах кыыһы түҥнэри көппүт.
Маннык хобдох түгэннэр түмүктэригэр 13 саастаах кыыс, 65 саастаах сатыы иһэр киһи, самокатынан испит 8 саастаах уол түҥнэри көтүллүбүттэр, доруобуйаларыгар эчэйиини ылбыттар.
Массыына уонна матасыыкыл эмиэ харсыспыттар. Ол курдук, Тулагыга “RegulMoto Race 200” матасыыкыллаах 16-лаах уол “Toyota Ractis” массыынаны ситэн ааһаары харсыспыт. Бу түмүгэр матасыыкыл суоппара уонна олорсон испит 16 саастаах кыыс араас көрүҥнээх эчэйиилэри ылбыттар.
Оттон “Toyota Succeed” массыынаны ыытан испит 42 саастаах киһи дьиэ кирилиэһигэр кэтиллэн, эчэйиини ылан, балыыһаҕа киирбит.
Суоппардар, сатыы сылдьар уонна бэлисипиэттээх дьон суол быраабылатын тутуһаргыт ирдэнэр. Сэрэхтээх буолуҥ!
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Горнай улууһун Бэрдьигэстээх сэлиэнньэтигэр түөлбэлэр бэрт көхтөөх үлэни ыыталлар. "Сардаҥа" түөлбэ актыыба иһитиннэрбитинэн, "Бастыҥ уопсастыбаннай…
Полицейскайдар уопсайа 14 мөл. солк. суумалаах 2,5 киилэ ыйааһыннаах кыһыл көмүһү лицензията суох сууйбут икки …
Бүгүн, балаҕан ыйын 3 күнүгэр, «Мындыр саас - көхтөөх уһун үйэлэнии» бырайыак чэрчитинэн, Мэҥэ Хаҥалас…
Тэрилтэ дьоно үлэни биэрээччи уонна бэйэтин быраабын ситэри билбэтэ баар буолар. Ол да иһин, тустаах…
Күһүн үгэнэ — балаҕан ыйын 14 күнүттэн балаҕан ыйын 25 күнүгэр диэри, барыта 11 күн.…