Ааспыт нэдиэлэҕэ Росгвардия үлэһиттэрэ 93 буруйдааҕы туппуттар

Ааспыт нэдиэлэҕэ Саха сиринээҕи Росгвардия нарядтара 152 иһитиннэриинэн тахсан, быраабы кэһиигэ уорбаланар 93 гражданины туппуттар.

Чайковскай аатынан уулуссаҕа баар биир түүҥҥү баартан 32 саастаах «дебоширы» Росгвардия үлэһиттэрэ полиция отделыгар тиэрдибиттэр. Кэлин быһаарыллыбытынан, буруйдаах байыаннай борокуратуура силиэстийэтиттэн куотан, федеральнай көрдөөһүн ирдэбилигэр сылдьыбыт.

Лермонтов уулуссаҕа баар биир түүҥҥү баартан киирбит айдаан тахсыбыт иһитиннэриинэн, Росгвардия үлэһиттэрэ итирик туруктаах сылдьан охсуһууну тэрийбит 30 уонна 32 саастаах икки эр киһини тупуттар. Иирсээн түмүгэр эр дьон 100 000 солкуобай суумалаах материальнай хоромньу таһаарбыттар. Быһылаан икки кыттыылааҕын быраабы араҥаччылыыр уорганнарга тиэрдибиттэр. Бу туһунан СӨ Росгвардия пресс-сулууспата иһитиннэрэр.