Ааспыт нэдиэлэҕэ Саха сиригэр биэс киһи быыһанна

СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан Ил Дархан Айсен Николаев былаанныыр мунньаҕар иһитиннэрдэ.

Кини этэринэн, ааспыт нэдиэлэҕэ 9 сайабылыанньа киирбит. 6 киһи эмсэҕэлээбит, 1 киһи олохтон туораабытын булбуттар, 5 киһи быыһаммыт.

Дмитрий Садовников эппитинэн, сыл саҕаланыаҕыттан 2121 ыксаллаах быһыыга-майыга түбэспит дьону көрдүүр-быыһыыр тэрээһиннэр ыытыллыбыттар, ол иһигэр 746 ыҥырыы киирбит. Барыта 496 киһи эмсэҕэлээбит, олортон 416 киһи быыһаммыт, 65 киһи өлүгэ булуллубут, 14 киһи сураҕа суох сүппүт. 221 киһи эвакуацияламмыт.

Ааспыт сыл бу кэминэээҕи дааннайынан, 1832 киһи эмсэҕэлээбит, 1723 быыһаммыт, 95 киһи өлбүт, 15 киһи сураҕа суох сүппүт. 1456 киһи эвакуацияламмыт.

Сиһилии: https://www.sakha.gov.ru/news/17209