Ааспыт нэдиэлэҕэ Саха сирин олохтоохторо 30 мөл.солк. тахса харчыларын сүтэрбиттэр
13.05.2025, 11:15
Хаартыска: М.Васильева (СИА)
Бөлөххө киир:
СӨ Борокуратууратын иһитиннэриитинэн, ааспыт нэдиэлэҕэ түөкүттэр угаайыларыгар 13 Саха сирин олохтооҕо киирэн биэрбит. Уоруллубут харчы суумата 30 мөл.солк. куоһарбыт (30 763 000 солк).
Түөкүттэргэ 4 биэнсийэлээх, слесарь, мэдиссиинэ сиэстэрэтэ, үлэ харыстабылын инженерэ, преподаватель, вахтер, суоппар, урбаанньыт, үлэтэ суох, устудьуон албыннаппыттар.
Баан тэрилтэлэрин, ФСБ, ИДьМ, Водоканал, Росфинмониторинг, Энергосбыт, суотабай сибээс оператора, МФЦ, поликлиника үлэһиттэрэ төлөпүөҥҥэ эрийиилэрин түмүгэр 29,9 мөл. солк. тахса суумалаах хоромньу тахсыбыт.
«Инвестициянан» хамнастанабыт диэн 307 тыһ. солк. суумаҕа икки киһи эмсэҕэлээбит.
Ону кытта массыына уонна саппаас чаас атыылаһаары 464 450 солк. харчыны уордарбыттар.
Болҕомтолоох буолуҥ, түөкүттэр албастарыгар киирэн биэримэҥ!
Сообщить об опечатке
Текст, который будет отправлен нашим редакторам: