«Энергосбыт» үлэһитэбин дэммит түөкүн Дьокуускай олохтооҕуттан 12,7 мөл. солк. уорбут

Ааспыт нэдиэлэҕэ түөкүттэр угаайыларыгар биэс Саха сирин олохтооҕо киирэн биэрбит. Хоромньу уопсай суумата  39 708 700 солк. тэҥнэспит. Бу туһунан СӨ Борокуратуурата иһитиннэрэр.

Ол курдук, Энергосбыт үлэһитэ буолан кубулунан, түөкүттэр атыы-эргиэн бэрэстэбиитэлиттэн  12,6 мөл.солк. кэриҥэ харчыны уорбуттар.

Итини таһынан, инвестициянан харчы үлүннэрэн ылаары, үс Саха сирин олохтооҕо  25,8 мөл.солк. сүтэрбиттэр, ол иһигэр урбаанньыт  — 20 мөл.солк. Маны таһынан куйаар ситимигэр табаар атыылаһаары олохтоохтор 1 181 700 солк. харчыларыттан маппыттар.