Ааспыт нэдиэлэҕэ түөкүттэр Саха сирин олохтоохторуттан 24,5 мөл. солк. уорбуттар

Ааспыт нэдиэлэҕэ өрөспүүбүлүкэ 22 олохтооҕо түөкүттэргэ киирэн биэрэн, уопсайа 24,5 мөл. солк. уордарбыт.

Ол курдук, түөкүттэргэ 3 биэнсийэлээх, 2 үөрэх тэрилтэтин, 1 уйулҕа үлэһитэ, 1 тырахтарыыс, 1 буҕаалтыр, 1 тириэньэр уо.д.а. идэлээх дьон киирэн биэрбиттэр.

Итинтэн биэс түгэнигэр түөкүттэр “ФСБ” уонна “Центробанк” үлэһитэбит диэн сымыйанан төлөпүөннээн, 18 052 534 солк. сууманы уорбуттар. Өссө биэс киһиэхэ суотабай сибээс оператордарабыт диэн төлөпүөннээбиттэр (2 018 105 солк.), үс киһиэхэ инвестицияҕа харчы оҥоруҥ диэн эрэннэрбиттэр (3 963 500 солк.), үс киһиэхэ мессенджердарын алдьатан харчыларын уорбуттар (99 тыһ. солк.). Саайтарга атыылааһын-атыылаһыы көрүҥүнэн уонна социальнай ситимнэринэн куоһурдаан 3 киһиттэн үбүн сойбоппуттар (246 700 солк.). Итини тэҥэ, таһаҕаһы тиэйии өҥөтө (30 тыһ. солк.), лотереяҕа сүүйүү көрүҥэ (10 747 солк.), интим-өҥөнү оҥоруу (154 000 солк.) диэн дьон харчытын былдьаппыт.