Ааспыт сайын Дьааҥыттан булуллубут сэлии оҕотун көрдөрдүлэр

Хотугулуу-Илиҥҥи федеральнай университекка баар Сэлии түмэлигэр ааспыт сайын Дьааҥы улууһун Баатаҕайдааҕы сир сиҥниититтэн булуллубут сэлии оҕотун көрдөрбүттэрин туһунан үөрэх кыһатын пресс-сулууспата иһитиннэрэр.

Учуонайдар булумньу уратытын бэлиэтииллэр, сэлии оҕотун хуобата, кулагааҕа, айаҕа улаханнык алдьамматахтар. Радиоуглероднай анаалыс быһаарбытынан, сэлии оҕото 50 тыһ. тахса саастаах. Кинини Яна диэн ааттаабыттар.

Бу иннинэ Саха сиригэр сэлии оҕотун 2010 сыллаахха булбуттара — Юканы. Аан дойду үрдүнэн сэлии оҕолорун сыалайдыы сыталларын алтаны булбуттара биллэр: биэһи Арассыыйаттан, биири Канадаттан.