Ааспыт сууккаҕа 12 ойуур баһаарын умуруордулар

Ааспыт сууккаҕа Саха сиригэр барыта 28,6 тыһ. га иэннээх 12 ойуур уонна 1 ландшафтнай баһаар умуруорулуннулар. 841 га иэннээх сэттэ ойуур баһаарын бохсуйдулар. Манна 694 киһи уонна 46 тиэхиньикэ үлэлиир диэн СӨ экологияҕа миниистирин солбуйааччы Андрей Коноплев брифиҥҥэ иһитиннэрдэ.

Өрөспүүбүлүкэҕэ ойуур баһаарын сезона саҕаланыаҕыттан барыта 125 ойуур уонна 27 ландшафтнай баһаар булуллубута. Бүтэһик сууккаҕа 489 га иэннээх биэс баһаары Алдаҥҥа, аммаҕа, Бүлүүгэ уонна Горнайга буллулар.

Билигин 43 баһаар баар, нэһилиэнньэлээх пууннарга куттал суох.