Ааспыт сууккаҕа 12 ойуур баһаарын умуруордулар

От ыйын 15 күнүн сарсыарда 8 чаастааҕы туругунан, өрөспүүбүлүкэҕэ 48 ойуур баһаарын умуруорууга үлэ ыытыллар. Ааспыт сууккаҕа уопсайа  23 636 га иэннээх 12 баһаар умуруорулунна.

Уоту утары охсуһууга  1 046 киһи,  22  анал тиэхиньикэ үлэлиир. Итиэннэ 7 көтөр аалынан патруллааһын ыытыллар.   5 МИ-8 бөртөлүөт уонна  1 Ан-2 сөмөлүөт умуруорууга үлэлиир.

Баһаары утары ураты эрэсиим  Алдан, Абый, Бүлүү, Уус Алдан, Өлүөхүмэ, Мииринэй, Уус Маайа, Эбээн Бытантай оройуоннарыгар биллэриллэн турар.