СИА хаартыската
Өрөспүүбүлүкэҕэ ааспыт сууккаҕа уопсайа 131,7 тыһ. га иэннээх сири хаппыт 16 ойуур баһаара умуруорулунна.
Бу туһунан брифиҥҥэ СӨ экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Андрей Коноплев иһитиннэрдэ. Ойуур баһаардарын Алдан, Амма, Булуҥ, Үөһээ Бүлүү, Бүлүү, Горнай, Ленскэй, Мииринэй, Өлүөхүмэ, Уус Маайа улуустарыгар умуруорбуттар.
«Ойуур уотун утары охсуһааччылар күүстэринэн 11 баһаар бохсулунна (уот хаппыт уопсай иэнэ 45 038 га). Бу Үөһээ Бүлүү, Бүлүү, Мииринэй, Өлүөхүмэ, Уус Маайа улуустарыгар«, — диир кини.
Сарсыардааҥҥы иһитиннэриинэн өрөспүүбүлүкэ сиригэр-уотугар 75 ойуур баһаара баара бэлиэтэнэр.
«Бэлиэтэнэринэн, кэнники хонукка баһаар улааппата. Космическай кэтээн көрүү ыытыллар. Биир ураты харыстанар сиргэ 780,5 га иэннээх сири хаппыт ойуур баһаара бохсуллан эрэр«, — диэн этэр миниистири солбуйааччы.
Билиҥҥи туругунан ойуур баһаардара 20 улууска бааллара бэлиэтэнэр. Баһаардары утары 1518 киһи уонна 124 тиэхиньикэ үлэлииллэр. Бүгүн икки Бе-200 амфилия салгын ааллара Үөһээ Бүлүүгэ Быракаантан уонна Андреевскайтан чугас баар баһаардары умулларыыга үлэлииллэр.
Ааспыт сууккаҕа авиациянан уонна космическай кэтээн көрүүнэн, түөрт ойуур баһаара буллуллубут. Уот хаппыт иэнэ 44 га.
Баһаар кутталлаах кэмэ саҕаланыаҕыттан Саха сиригэр 708 ойуур баһаара, икки ураты харыстанар сиргэ, 38 ландшафтнай баһаардар бэлиэтэммиттэр. Барыта 633 ойуур баһаара умуруоруллубут.
Өрөспүүбүлүкэ сиригэр-уотугар эрэгийиэннээҕи уонна федеральнай таһымнаах ыксаллаах быһыы-майгы эрэсиимнэрэ салҕаналлар. Маны сэргэ, муниципальнай таһымнаах ыксаллаах быһыы-майгы эрэсиимэ Абый, Бүлүү, Дьааҥы, Үөһээ Бүлүү, Ленскэй, Уус Маайа уонна Өлүөхүмэ улуустарыгар салҕаналлар.
Ил Дархан бэс ыйын 26 күнүнээҕи ыйааҕынан өрөспүүбүлүкэ сиригэр-уотугар баһаары утары ураты эрэсиим олохтоммута.
СӨ Ил Дарханын уонна Бырабыыталыстыбатын пресс-сулууспата
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…