Ааспыт сууккаҕа 16 ойуур баһаара умуруорулунна

Ааспыт суукка иһигэр Саха сиригэр 4 906,5 га иэннээх 16 ойуур баһаарын умуруордулар. Бу туһунан өрөспүүбүлүкэ суһал ыстааба иһитиннэрэр. 

От ыйын 8 күнүгэр сарсыарда уопсайа 231 065,9 га иэннээх 171 ойуур баһаара баар.

Билигин барыта 56 171,9 га иэннээх 35 ойуур баһаарын 13 оройуоҥҥа умуруораллар. Ол курдук, Алдаҥҥа — 4, Аммаҕа — 5, Бүлүүгэ — 1, Үөһээ Халымаҕа — 4, Эдьигээҥҥэ — 2, Мэҥэ Хаҥаласка — 1, Нерюнгрига — 3, Өймөкөөҥҥө — 2, Өлүөхүмэҕэ — 2, Сунтаарга — 1, Томпоҕо — 1, Уус Маайаҕа — 8, Хаҥаласка — 1.

Уоту утары охсуһууга 891 киһи уонна 37 тиэхиньикэ үлэлииллэр.