Ил Дархан, бырабыыталыстыба пресс-сулууспата.
Ааспыт суукка иһигэр Саха сиригэр 8749 гаа иэннээх сиргэ 18 ойуур баһаарын умуруордулар. Бу туһунан экология, айылҕаны туһаныы, ойуур хаһаайыстыбатын миниистирин солбуйааччы Андрей Коноплев брифиҥҥэ иһитиннэрдэ.
Ол курдук, Усуйаанаҕа — 7, Абыйга — 5, Өлүөхүмэҕэ — 2, Аммаҕа, Үөһээ Халымаҕа, Муомаҕа, Орто Халымаҕа, Аллайыахаҕа — 1-дии баһаары умуруордулар. Өлүөхүмэҕэ, Тааттаҕа, Уус Алдаҥҥа 7 ойуур баһаарын төгүрүттүлэр.
Ол эрээри, авиациянан уонна космическай кэтээн көрүү түмүгэр, 337 гаа иэннээх сиргэ саҥа 13 баһаар күөдьүйэн эрэрэ булулунна.
Ойуур баһаардарын умуруорууга өрөспүүбүлүкэ үрдүнэн 1374 киһи, 65 анал тиэхиньикэ үлэлии сылдьар. Ардаҕы түһэрэр зондировщик-сөмөлүөттэр үлэлииллэр. «Полярные авиалинии» хампаанньа «Атмосфера» Ан-26 сөмөлүөтэ Халыма-Индигиир умнаһын оройуоннарыгар, Росгидромет Киин аэрологическай обсерваториятын Як-40 сөмөлүөтэ илин эҥээр улуустарга ардаҕы түһэрэргэ үлэлии сылдьаллар.
Бүгүҥҥү күҥҥэ саамай элбэх баһаардар хотугу улуустарга — Орто Халымаҕа, Үөһээ Халымаҕа, Абыйга, Муомаҕа, Усуйаанаҕа бааллара бэлиэтэнэр.
Бэс ыйын 11 күнүттэн өрөспүүбүлүкэҕэ ыксаллаах быһыы-майгы эрэгийиэннээҕи эрэсиимэ биллэриллибитэ. Үөһээ Халыма, Усуйаана, Орто Халыма, Томпо, Өлүөхүмэ улуустарыгар олохтоох таһымҥа маннык эрэсиим үлэлиир.
Ил Дархан, бырабыыталыстыба пресс-сулууспата.
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын…