Ааспыт сууккаҕа 20 ойуур баһаара умуруорулунна

Ааспыт сууккаҕа  өрөспүүбүлүкэҕэ уопсайа    21 327 га иэннээх 20 ойуур баһаара умуруорулунна. Бу туһунан  экология, айылҕаны туһаныы уонна ойуур хаһаайыстыбатын миниистирин солбуйааччы  Андрей Коноплев иһитиннэрдэ.

6 ойуур баһаара Өймөкөөҥҥө,  3-түү баһаар  –  Нерюнгрига, Уус Маайаҕа, Алдаҥҥа, 2  –  Томпоҕо уонна биир баһаар Амма улууһугар.

Авиационнай уонна космическай кэтээн көрүү түмүгэр, уопсайа 12,3 га иэннээх  7 саҥа ойуур баһаара баара билиннэ.

Бүгүҥҥү  туругунан өрөспүүбүлүкэҕэ 136 ойуур баһаара баар. Уопсай иэнэ 349 644,9 га. Мантан   1527,6 га иэннээх 7 баһаар бохсулунна, ол иһигэр   2 –  Үөһээ Халымаҕа,  биирдии баһаар  –  Алдан, Сунтаар, Өлүөхүмэ, Нерюнгри, Мииринэй оройуоннарыгар.

Өймөкөөҥҥө  537 га иэннээх биир  ландшафтнай баһаар баар.

Уоту утары охсуһууга 1140  киһи үлэлиир, ол иһигэр  172 олохтоох дьон.