СИА хаартыската
Ааспыт сууккаҕа Абый, Таатта, Ньурба улуустарыгар 16 741 гаа иэннээх сиргэ 3 ойуур баһаарын умуруордулар. Ленскэй, Мииринэй, Өлүөхүмэ, Уус Маайа оройуоннарыгар 25 тыһыынча гаа иэннээх сиргэ 6 ойуур баһаара бохсулунна. Бу туһунан Саха сирин сүрүн лесничэйэ Андрей Коноплев от ыйын 27 күнүгэр брифинг кэмигэр иһитиннэрдэ.
— Баһаардары умуруорууга 1892 киһи, 183 анал тиэхиньикэ үлэлиир. «Бе-200» амфибия сөмөлүөттэр бүгүн Үөһээ Бүлүү уонна Алдан улуустарыгар үлэлиэхтэрэ. Зондировщик сөмөлүөттэр кэтэһии эрэсиимигэр олорллор, — диэн кини эттэ.
От ыйын 27 күнүнээҕи туругунан, өрөспүүбүлүкэҕэ 21 улууска 115 ойуур баһаара, 1 ландшафтнай баһаар баар.
Бу сааскыттан саҕалаан, 1,5 мөлүйүөн гаа иэннээх 704 баһаары умуруордулар.
Саха сиригэр ойуурга федеральнай уонна эрэгийиэннээҕи ыксаллаах быһыы-майгы эрэсиимнэрэ үлэлииллэр. 8 улууска муниципальнай таһымнаах ыксаллаах быһыы-майгы эрэсиимэ оннунан хаалар.
Бэс ыйын 26 күнүттэн баһаары утары эрэсиим киирбитинэн, ойуурга сылдьарга хааччахтар бааллар уонна айылҕаҕа сылдьан уоту оттуу бобуллар.
Ил Дархан, бырабыыталыстыба пресс-сулууспата.
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…
Ыам ыйын 29 күнүгэр Таатта улууһун Харбалаах сэлиэнньэтин уһуйааныгар самаан сайыны көрсө “Үрүҥ тунах” ыһыах…
-- Байыаннай дьайыы зонатыгар сылдьар эбэтэр госпитальга сытар байыаннай сулууспалаах электроннай каартатынан атын киһи (аймаҕа,…
Аллараа Халыма улууһун Черскэй бөһүөлэгэр 17 саастаах оҕо киһини улаханнык эчэтэн, өлүүгэ тиэрдибитинэн холуобунай дьыала…
Ил Дархан Айсен Николаев оробуочай сырыытынан Аллараа Халыма оройуонугар сылдьан улуус баһылыга Ярослав Бандеровтыын көрүстэ.…
ИДьМ Нерюнгритааҕы отделын дьуһуурунай чааһыгар суһал көмө диспетчерэ 36 саастаах эр киһи быһаҕынан анньыллан балыыһаҕа…