Ааспыт сууккаҕа 9 техногеннай баһаар тахсыбыта бэлиэтэннэ

Ааспыт сууккаҕа 9 техногеннай баһаар тахсыбыт. Иһитиннэриллибитинэн 1 киһи өлбүт, 2 киһи эмсэҕэлээбит. Баһаары умуруорууга 115 киһи уонна 24 тиэхиньикэ кыттыбыт.

Арассыыйа ЫБММ Саха сиринээҕи салаатын баһаарынайдара Дьокуускай куоракка Сэргэлээх уулуссатыгар турар биэс этээстээх дьиэҕэ миэбэл, Очиченко уулуссатыгар бөх-сах, Ф.Достоевскай уулуссатыгар чааһынай дьиэ, Пионерскай уулуссатыгар чааһынай хараас, Чехов уулуссатыгар массыына умайбытын умуруордулар.

Ленскэй куоракка вагончигы, Мииринэй куоракка олорор дьиэ кыбартыыратын баһаарын умуруордулар. Баһаарынайдар Ньурба улууһугар чааһынай дьиэ, Хаҥалас улууһугар чааһынай баанньык умайыытын тохтоппуттар.