Ааспыт сууккаҕа аҕыс буруйу оҥоруу бэлиэтэннэ

СӨ Борокуратууратын дааннайынан, ааспыт сууккаҕа аҕыс буруйу оҥоруу тахсыбыт.

Хаҥалас улууһун Булгунньахтаах сэлиэнньэтигэр 42 саастаах дьахтар доруобуйатын эчэппиттэр, уорбаланааччыны быһаардылар.

Дьокуускай уонна Ленскэй олохтоохторо барыта 5,1 мөл.солк. харчыларын түөкүннэргэ суйдаппыттар. Киин куорат 67 саастаах олохтооҕо 2 мөл.солк. тахса харчытын албыннаппыт.

Нерюнгрига уонна Намҥа уоруу туһунан иһитиннэриилэр киирбиттэр.

Дьокуускайга уонна Ленскэйгэ итирик туруктаах суоппардар уруулга иккистээн олорбуттара биллибит. Суукка иһигэр 16 итирик суоппары туппуттар.

Киһи өлүүлээх суол быһылаана тахсыбата.