Ааспыт сууккаҕа буруйу оҥоруу 8 түбэлтэтэ бэлиэтэммит

Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ,
олорунан процессуальнай бэрэбиэркэлэр уонна хонтуруоллааһын ыытыллар. Бу туһунан СӨ Борокуратуурата иһитиннэрэр.

Дьокуускай куоракка уонна Ленскэй оройуонугар счеттан 463 тыһ. тахса солкуобайы уоруу туһунан иһитиннэрии киирбит. Киин куоракка 1976 сыллаах төрүөх эр киһиттэн биржаҕа харчы оҥоробут диэн албыннаан 310 тыһ. солкуобайын уорбуттар.
Дьокуускай куоракка итирик туруктаах сылдьан массыына ыыппыт киһи тутуллубут, сымыйа докумуоннары, ол иһигэр массыына техосмотрун уонна диагностическай каартатын туттуу түбэлтэлэрэ бэлиэтэммиттэр.

Киһи өлүүлээх суол-тырааныспар быһылааннара тахсыбатахтар.
Суукка иһигэр биир итирик туруктаах суоппар массыына ыыта сылдьан тутуллубут.