Ааспыт сууккаҕа буруйу оҥоруу алта түбэлтэтэ бэлиэтэннэ

СӨ Борокуратуурата иһитиннэрбитинэн, ааспыт сууккаҕа буруйу оҥоруу 6 түбэлтэтэ бэлиэтэннэ, онтон 3 — Нерюнгри оройуонугар. 

Ол курдук, Нерюнгри оройуонугар 1981 сыллаах төрүөх эр киһини өлөрбүттэр. Итиэннэ уоруу түбэлтэтэ уонна наркотигы эргитии тахсыбыта биллибит.

Өссө биир уоруу түбэлтэтэ Дьокуускайга буолбут. Ону таһынан киин куоракка улахан эчэйиилээх 1983 сыллаах төрүөх эр киһини балыыһаҕа киллэрбиттэр.

Өлүөхүмэҕэ күлүгээннээһин туһунан холуобунай дьыала тэрийбиттэр.

Саха сиригэр үс баһаар буолбут, эчэйии суох.