Ааспыт сууккаҕа: дьахтары эчэттилэр, кыбартыыраттан харчыны уордулар

Ааспыт сууккаҕа Саха сиригэр  буруйу оҥоруу биэс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Ленскэй куоракка 1979 с.т. дьахтар доруобуйатын эчэтэннэр, балыыһаҕа госпитализацияланна.

Дьокуускай куоракка баан счетуттан  758 тыһ. солк. уордулар. Уус Алдан  улууһугар  кыбартыыраттан  165 тыһ. солк. уордулар.  Киин куоракка эр киһиэхэ  түөкүттэр «суотабай сибээс операторын» аатыттан эрийэннэр 195 тыһ. солк. суйдаатылар.

Нерюнгри оройуонугар биир  дьахтар   суоппар быраабын сымыйа дастабырыанньатын туһана сылдьыбыта билиннэ.

Дьокуускайга уонна Нерюнгрига икки суол быһылаана тахсан, икки киһи араас эчэйиини ылан балыыһаҕа киирдилэр. Бу туһунан СӨ Борокуратуурата иһитиннэрдэ.